Շոտլանդիայում եղևնուց գարեջուր են եփել

Շոտլանդիայում եփել են էլ (ale) տեսակի գարեջուր, որի գլխավոր բաղադրիչներից մեկը եղևնու փշատերևմ է,- հաղորդում է The Scotsman-ը:

Խմիչքը սկսել էին պատրաստել դեռևս գարնանը, սակայն այն թողարկվել է Սուրբ Ծնունդի նախաշեմին, որը կաթոլիկները նշում են դեկտեմբերի 24-ից 25-ը:

Եղևնու գարեջուր արտադրող ընկերության ղեկավարի խոսքերով՝ խմիչքը եփվել է վիկինգների բաղադրատոմսի հիման վրա:

«Մենք գիտենք, որ նրանք իրենց գարեջրի մեջ հավելել են եղևնի և սոճի, քանի որ դրանք հարուստ են B և C վիտամիններով, որոնք օգնել են վիկինգներին ցինգայով չհիվանդանալ նավարկությունների ժամանակ»,- ասել է Սքոթ Ուիլյամսը:

Ընդհանուր առմամբ, թողարկվել է Սուրբծննդյան խմիչքի 800 շիշ: Ներկա պահին դրանք բոլորը սպառվել են՝ չնայած բարձր գնի (մեկ շշի արժեքը եղել է մոտ 16 եվրո):

2013 թ. Շոտլանդիայի Ալլոա քաղաքում տեղակայված ընկերությունը մտադիր է արտադրել10 հազար շիշ եղևնու գարեջուր:

Էլ տեսակի գարեջուրը պատրաստվում է բարձր ջերմաստիճանի պայմաններում խմորման միջոցով: Էլ պատրաստելու համար հիմնականում օգտագործում են գարու ածիկ:

Հարցեր, պատասխաններ, մեկնաբանություններ